Mar haddii uu Madaxweyne Daahir Rayaale Kaahin Maciinsadan Maansadan Qiimaha badan ee ay Erayadeedii ka mid ahaayeen kuwan:

Tan anaa ka diigoo
Gabigeed danbaabee
Dawo kale ma haysaa

Marhadan nin door xidhay
Daalalay sameeyiyo
Gaariyana isdaba dhigay
Sheekhiina dooh idhi
Tolow yaa danbeeyoo
Baritana la soo diri

Duqaydii dhulkeeniyo

Golayaashu duug male
Docdayday ka buuxaan
Doolarkiyo xisaabtiyo
Doonbarada qaataan
Maydinkaa wax didin kara
Dadkan seexday kicin kara
Danahooda fulin kara…… Halkan Guji Maansada Oo Dhamaystiran.

Mudane Axmed Maxamed Maxamuud (Siilaanyo) Markuu arkay Halka ay Wax marayaan ayaa isagoo Dabinta qaniinsan waxa u ka tiriyey Jiiftadan ay Erayadeeda ka mid yihiin kuwan:

Nabar baa i gubayoo
Gocashaa i jiiftoo

Gorod lulasha mooyee
Gundhin waayay madaxii

Gacal aan u qayshiyo
Guri aan ku hiiliyo
Gacan saarki iga dhimay

Gafkan aan tirsanayiyo
Godabtana ninlihi diid

Garaad-maalayashiyo
Guurti aan u geeyiyo
Geedkiyo ragiisii
Isna waa galgalin madhan………..Halkan Guji Maansada Oo Dhamaystiran

Markii Labadii Guddoomiye uu midba Meel ka Fad kudiyey Maxaad ka filan kartaa Guddoomiye Injineer Faysal Cali Waraabe inuu isna lamaro Maansadiisan Gole ka fuulka ah, waxbaba ha is daaline waa tan Maansadii Faysal Cali Waraabe ee Akhris Wacan, Waxaanu ku bilaabay sidan:

Waxa faraska nadigiyo
Usha loogu fiiqa
Inuu sii fogaadoo
Nasigana ka fiigee

Maantana fagaaraha
Fuulmadeeda geenyada
Firfircooni dheer iyo
Faaliyo war guunnaan
Fal-kinteeda maansada
Farasaarayaayoon
Fahamkeeda sheekada
Ficillaan ku darayaa
Inaan feedha saaroon
Ku tilmaamo farihiyo
Halka falaga lagu wado

Fiirsiga dushaydiyo
Foolkiyo garashada
Galool laamo fidiyoo
Ubax food ku yeeshiyo
Waxaan ahay filow goba

Ingineer farshaxanimo
Farsamada yaqaanoo
La faduulin baan ahay

Gaallada fartoodiyo
Dabcigooda fara badan
Cidla kama fadhiistee
Yurub foognideediyo
Finland waan ahay

Faasiqnimo umaan dhalan
Furqaantii Illaahiyo
Salaadiyo faralkana
Kama faranfardaynine
Intaa waan u faydnahay
Faraqaaan ku haystaa

Fulaynimo umaan dhalan
Daacaddaan ku foofaa
Dulmigaan figeeyaa

Kuma foogni noolaha
Kama tago facaygiyo
Filka kii ileeg iyo
Fikirkiyo aragtida

Kuma faaqo noolaha
Kuma caayo foolxumo

Afarta falaadhiyo
Furihiiyo guushiyo
Faataxo ku magacow
Fa’da kale waxay tay

Feejignaantu waa daw
Inaan fiiro yeeshoon
Marba foodhi dheeriyo
Qaylada fogeeyoon
Fagaaraha ka sheegaa

Necbiyaa faraaryaha
Iyo kala faquuqiyo
Qollo food la saariyo
Tolka faaladiisoo
Jecliyaa filaanshaha

Marna waa faruur xidhan
Ciidagalle ka faankiyo
Guuleed fac joogsigu

Komeshanka anna fura
Jilibkay u foodalla
Inay ii fadhiistaan

Kuwa kale fogayntuna
Ficil weeye igu jira..

Fooriyo marbaan ahay
Sida roob faraaciya
Marna waqal fogaadiyo
Fadadkoo is dhaafiyo
Mahiigaan furmaan ahay

Marban faraska dirirtana
Duulaanka fuulaa………
Fulaynimo marbay kali
Farax ii ahaataa…..

Faqash iyo gugeedii
Taariikh filaataa
Fayl laygu haystaa

Falaadhina gilgilashada
Kaagama fuqaysee
Ficilkaa dhankaygii
Ku firee halkiisaa………….

Maantana falkaan gabbay
Inaan guddo faciisaan
Farxaanow tuhmaayee
Fajac yaanay kula noqon

Fooraraa nasiibkii
Fuclo orodka waa wali

Faahfaahin qodobada
Fadhi kuma idhaahdee
Marbaan gole ka fuulaa

Feedhahayga hoosiyo
Waxaan uurka kula faqo
Faruuryaha ka sheegaa

Koonfur waan fogeeya
Ina geele uma furo
Cabdulaahi taan faray
Ku fatahay ayaan hore
Feedhahay ku taala
Ku fogeeyay nabarada

Xaajigan ma fiirsade
Faralaawe waa wali
Faalkiisi muu iman

Xagayaga faduul hore
Fariid uu na yeela
La fooganyahayoo
Xisbiyada furba galay
Kurtin fiiqan ba jira
Fin baxaaya baa jira

Foocfoca so kaca
Qolaftaan ka fiiqna
Fadhi baanu talina

Xagna farsamo kale
Udub fooladayntiyo
Faadhumaysigaygiyo
Furahaan ruxruxaya
Fijaanaan u dhigaya
Inuu faran ku soo dhaco

Kulmiyaan filaanshaha
Fooradiisa leeyahay
Yay kula fogaanine
Goobaley faraha gali

Ku filow halkaagoo
Firfircooni laba raac

Farajkana alla qray
Fodkana sidaan qabo
Rajo waan ka filayaa
Ii furan halkaasina

Dhamaad.

Naxli kuma jiro waa uun Kaftan iyo Xifaaale.

FG: Haddii aad wax saluug ah ku aragtaan, ama aad u baahataan ibo bixin dheeraad ah, Fadlan waxaad lasoo xidhiidhi kartaa Abwaan Qol-qol.

Waa Eraydii Abwaan Mawliid Aadem Qol-qol

E-mail: Qolqol3@hotmail.co.uk

London, UK.

&

Diyaarintii C/salaam Cusmaan Cumar-jeex (Abu Hurayra)

E-mail: Salaanmuctasim@hotmail.com

Hargeysa, Somaliland