Madaxweynaha Oo Magacaabay Xubin Sharafeed Ka Mid Noqon Doona Golaha Guurtida JSL.
Xubin Sharaf Cusub ayuu Madaxweyne Daahir Rayaale Kaahin u Magacaabay Golaha Guurtida, Waxaana Sidaasi lagu sheegay Waraxaafadeed Maanta kaso baxay Madaxtooyada Jamhuuriyadda Somaliland kuna saxiixanyahay Afhayeenka Madaxweynaha Saciid Cadaani Mooge oo uu Nuqul kamid ahi nasoo gaadhay, kaasi oo u qornaa sidan:
Warsaxaafadeed
Madax-weynaha JSL Mudane Daahir Rayaale Kaahin, waxa uu maanta magacaabay xubin sharaf cusub oo ka mid noqon doona golaha Guurida Jamhuuriyadda Somaliland.
Madaxweynuhu markuu arkay qodobka 60 aad farqadiisa labaad ee Distoorka Jamhuuriyadda Somaliland, isla markaana isagoo tixgalinaaya kaalinta wax ku oolka ah ee uu qaranimada Somaliland ugu jiro golaha guurtidu waxa uu u magacaabay Sheekh Daahir Xaaji Xasan Cabdile inuu ahaado xubin sharaf ka tirsan golaha Guurtida isaga oo sida la ogyahay kaalin wax ku ool ah ka soo qaatay guud ahaan dhismaha iyo horumarinta Qaranka Jamhuuriyadda Somaliland.
Allaa Mahad Leh
Siciid Cadaani Mooge
Af-hayeenka Madaxtooyadda JSL


